26 మంది ఎంపీల సస్పెన్షన్

అన్నా డీఎంకే ఎంపీలపై లోక్‌సభ స్పీకర్ సుమిత్ర మహాజన్ బుధవారం కఠిన చర్యలు తీసుకున్నారు. సభ కార్యకలాపాలకు తీవ్ర ఆటంకం కలిగిస్తున్నందుకు వరుసగా ఐదు రోజులపాటు లోక్‌సభ సమావేశాల్లో పాల్గొనకుండా సస్పెండ్ చేశారు. ఆ పార్టీకి చెందిన 26 మంది ఎంపీలను స్పీకర్ సస్పెండ్ చేశారు.

 

కావేరీ నదిపై కర్ణాటకలో మేకదాటు ఆనకట్టనునిర్మించాలని ప్రతిపాదించడంపై అన్నా డీఎంకే ఎంపీలు తీవ్ర నిరసన వ్యక్తం చేశారు. లోక్‌సభ వెల్‌లోకి ప్రవేశించి, నినాదాలు చేశారు. తమను సస్పెండ్ చేయడంపై ఆ పార్టీ నేత తంబిదురై మాట్లాడుతూ ఎన్నికలు సమీపిస్తున్నాయని, కర్ణాటకలో కొన్ని సీట్లు గెలవాలని బీజేపీ కోరుకుంటోందని, అందుకే మేకదాటు ఆనకట్ట నిర్మాణానికి అనుమతించారని ఆరోపించారు. నిరసన తెలియజేయడం తమకుగల ప్రజాస్వామిక హక్కు అని తెలిపారు. ప్రభుత్వం స్పందించడం లేదన్నారు.