నేడు రాష్ట్రవ్యాప్తంగా ఉపాధ్యాయ అర్హత పరీక్ష (టెట్​) జరగనుంది.

*నేడు రాష్ట్ర వ్యాప్తంగా టెట్ పరీక్ష*

నేడు రాష్ట్రవ్యాప్తంగా ఉపాధ్యాయ అర్హత పరీక్ష

(టెట్​) జరగనుంది. గంట ముందే పరీక్ష కేంద్రాలకు చేరుకోవాలని.. నిమిషం ఆలస్యమైనా అనుమతించమని అధికారులు స్పష్టం చేశారు. పరీక్షకు అన్ని ఏర్పాట్లు పూర్తయ్యాయని కన్వీనర్ రాధారెడ్డి తెలిపారు.

నేడు జరగనున్న ఉపాధ్యాయ అర్హత పరీక్ష(టెట్​)కు ఏర్పాట్లు పూర్తయ్యాయి. నేడు రాష్ట్రవ్యాప్తంగా పేపర్-1కి 3,51, 468 మంది, పేపర్-2కి 2,77,884 మంది పరీక్ష రాయనున్నారు. పేపర్-1 ఉదయం 9:30 నుంచి మధ్యాహ్నం 12 వరకు, పేపర్-2 మధ్యాహ్నం 2:30 నుంచి సాయంత్రం 5 వరకు జరగనుంది. ఈనెల 27న టెట్ ఫలితాలు వెల్లడించనున్నారు. ఒకటి నుంచి 5వ తరగతి వరకు బోధించే ఎస్జీటీ ఉద్యోగాలకు అర్హత కోసం పేపర్-1, ఆరు నుంచి ఎనిమిది వరకు బోధించే స్కూల్ అసిస్టెంట్ పోస్టుల అర్హత కోసం పేపర్-2 నిర్వహించనున్నారు. పరీక్ష సమయం ముగిసే వరకు బయటకు వెళ్లేందుకు అనుమతించరు. బ్లాక్ బాల్​పాయింట్ పెన్నుతోనే ఓఎంఆర్ పత్రాల్లో సమాధానాలను దిద్దాలని అధికారులు తెలిపారు. మొబైల్స్, బ్యాగులు, ఎలక్ట్రానిక్ పరికరాలకు పరీక్ష కేంద్రాల్లోకి అనుమతి ఉండదని కన్వీనర్ రాధారెడ్డి అధికారులు స్పష్టం చేశారు.